Швейцарияга барган Кыргыз жарандары 10 күндүк карантинден бошотулат

Кыргыз жарандары Швейцарияга барганда коронавируска байланыштуу сөзсүз түрдө 10 күндүк карантинде болуу милдетинен бошотулду. Бул тууралуу Тышкы иштер министрлигинин басма сөз кызматы билдирди.

Маалыматка ылайык, тиешелүү чечим Швейцария өкмөтү тарабынан 4-сентябрда кабыл алынган. Анда Кыргыз өлкөсүнүн жарандары Швейцарияга киргенде 10 күндүк карантинден өтүшү керек болгон өлкөлөрдүн тизмесинен чыгарылган.

"7-сентябрдан тартып Кыргыз өлкөсүнүн жарандары Швейцарияга виза жана башка уруксат документтери менен эркин кирип-чыгууга уруксат берилди", - деп билдиришти аталган министрликтен.

Автор: Гүлзина Каныбекова