Жалал-Абад облусундагы токой чарбалардын биринин директору кармалды

Экономикалык кылмыштарга каршы күрөшүү боюнча мамлекеттик кызмат Жалал-Абад облусунун токой чарбасынын директорун кармады. Бул тууралуу аталган кызматтан билдиришти.

Маалыматка ылайык, Токой чарбасынын жооптуу адамдары өрттүн алдын алуу жана токой маданий иштерин жүргүзүү үчүн 2 миллион сомдук тендер өткөрүшкөн. Анын жыйынтыгы боюнча ЖЧК "А" жана ЖЧК "А. А" компаниялары жеңген. Бирок тендерде көрсөтүлгөн жумуштарды буга чейин токой чарбасынын кызматкерлери өздөрү жүргүзүп келишкен.

Учурда тергөө иш-аракеттери жүргүзүлүүдө. Иштин бардык жагдайлары изилденгендигин эске алуу менен токой чарбасынын директору К.Ж. жана бухгалтери А.Б., ошондой эле аталган ЖЧКнын башчыларынын аракеттерине укуктук баа берилет деп жазылат маалыматта.

Автор: Айсалкын Качкынбекова