24 жаш курагын белгилеп жаткан Айдана Дека: "Туулган күнүм түнкү 12де эле башталды"

24 жаш курагын белгилеп жаткан ырчы Айдана Дека учурда өзүнүн жакшылыгын досторунун, жакындарынын жана туугандарынын курчоосунда белгилеп жатат.

Эки коён менен бир ок аттым деген ырчы бүгүнкү туулган күнүндө клибин дагы презентациялап, конокторду дагы тосуп жетишип жаткан учуру.

"24 жаш курагымды, буюрса, өтө жакшы белгилеп жатам. Жакшы сезимдер болуп жатат. Түнкү 12де өзүмдүн продюсерим, жакын досторум жана бийдеги окуучу кыздарым келип сюрприз кылышып ошо менен башталды. Андан кийин дагы абдан сонун улантып кеттик, көптөгөн куттуктоолорду кабыл алдым. Ошондой эле интернет желесинде дагы куттуктагандар абдан көп, бардыгына ыраазычылыгымды билдирем. Ал эми бүгүнкү кечте жаңы клибимди кесиптештерим, досторум жана жакындарымдын курчоосунда презентация кылалы деп чечкенбиз.

Быйыл болсо өтө көптөгөн белектерди алдым. Баалуу, көңүлүмө жаккан, мен баалаган көп түрдүү белектерди алдым. Мага бардык белектер бирдей жакты, мен үчүн бардыгы жагымдуу болду", - деп кубанычы менен бөлүштү ырчы Айдана Дека.

Автор: Гүлзина Каныбекова