"Өз милдетибизди жана ишибизди уланта беребиз". Өкмөт мүчөлөрү элге кайрылуу жасады

Кыргыз өлкөсүнүн өкмөт мүчөлөрү элге кайрылуу жасады. Бул тууралуу өкмөттүн басма сөз кызматынан билдиришти.

Анда өкмөт мүчөлөрү жарандарга мыйзамдуулукту жана туруктуулукту сактоо боюнча кайрылып жаткандары белгиленет. Кайрылуу төмөндөгүдөй жазылган.

Жөнөкөй жарандардын жашоосу үчүн зарыл болгон экономикалык жана социалдык түзүмдөрдүн, уюмдардын үзгүлтүксүз иштөөсүн камсыз кылуу;
Экономикалык туруктуулукту сактоо биздин негизги милдетибиз болуп саналат.

"Ошондой эле өлкөбүздүн эгемендүү, демократиялык жана укуктук мамлекет катары эл аралык деңгээлдеги имиджин сактоо биздин артыкчылыктуу багыттарыбыздын бири. Биз эл ишенип берген жоопкерчилигибизди сезип, өз милдетибизди жана ишибизди уланта беребиз", - деп жазылат маалыматта.

Автор: Бактыгүл Султаналиева