"Ала-Тоо 24" каналынын жамааты иш ташташты

Коомдук телеканалдын "Ала-Тоо 24" жаңылыктар каналынын элүүдөн ашуун кызматкери иш таштады. Бул тууралуу мекеме кызматкерлери билдирүү таратып жатышат. Маалыматка ылайык, алар бул кадамды телеканалга жаңы келген жетекчи Чынар Капарова менен иштешүүнү каалабаганы менен түшүндүрүп жатышат.

Жамаат "Ала-Тоо 24" каналынын кызматкерлери Координациялык кеңешке, азыркы бийликке келген адамдарга кайрылуу жолдоду.

"КТРКнын "Ала-Тоо 24" каналынын эмгек жамааты Координациялык кеңешке, азыркы бийликке келген атуулдарга кайрылат!

Азыр ушул учурда өздөрүн элдин атынан келдик деген адамдардын тобу башаламандык уюштуруп, продюсерди мыйзамсыз кызмат ордунан кетирип, шайлоого аттанган “Бир бол” партиясынын өкүлдөрү тарабынан мамлекеттик стратегиялык объект болгон “Ала-Тоо 24” каналын басып алууга аракет кылууда. Ошол эле учурда бүгүн жаңы түзүлгөн Координациялык кеңеш мамлекеттик креслолорду эртеден бери басып алуулар болуп жатканын мыйзамсыз деп атады. Координациялык кеңеш эч кимди, эч жакка басып алууга жибербегендигин айтты.

Бирок өздөрүн элдин атынан келдик деп тааныштырган 20 чакты адам бир телеканалдын тагдырын чечүүдө. Кечээги болгон төңкөрүш кресло талаш үчүн болду беле?! Башаламандыкка ким жооп берет?! Мыйзам кайда калды?! Жүзгө жакын адамы бар "Ала-Тоо 24" каналынын жамааты Координациялык кеңешке кайрылат", - деп айтылат кызматкерлердин кайрылуусунда.

Автор: Гүлшат Ысамамат кызы

19:15 06-10-2020

Жазылуу

РУБРИКАДАГЫ СОҢКУ КАБАРЛАР

10:53 2026-09-28 | Коом жана турмуш

Кара-Кечеге "кыш" келди (видео) 7 0

10:51 2026-09-28 | Коом жана турмуш

Ысык-Көлдө эс алуучу жайдын аймагындагы курулуш калдыктары боюнча чара көрүлдү (видео) 20 0

10:51 2026-09-28 | Кылмыштар, кырсыктар

Новопокровкада автобус үйдүн дубалын сүзүп алды 31 0

10:46 2026-09-28 | Саясат

Тармактык комитетте Жогорку Кеңештин токтом долбоорлору каралды 30 0

10:45 2026-09-28 | Кылмыштар, кырсыктар

Бишкекте мас айдоочу электровелосипедчендерди сүзүп, алардын бири каза болду (видео) 60 0

10:39 2026-09-28 | Коом жана турмуш

Дем алыш күнү өлкөдө 2 ирет жер титиреди 105 0

Архив

Комментарийлер (7)

Mirba1610

2020-10-06 19:22:01

Эн туура чечим! Ч.Капарова оз билемдик менен эле болгон окшойт чамасы

+19

muras111211

2020-10-06 19:31:02

Чынар Капаровага айтат элем.КТРК га батбай,эми Ала Тоо 24 калды беле талашып келген кресло туура эмес.
Жакшы иштесе Буга чейин эле жетекчи болуп шайланмак да

+11

katerina.li

2020-10-06 19:32:13

Мынча эл жон жерден ташта байт жумушту. Капарованын бир нерсесин билишет

+14

Bars88

2020-10-06 19:49:24

Отпой калган партиялар не адамдарын ар тешикке тыгып атышат.Кызмат эле керекпи тынчыгандын кийин деле иштегиси келсе мурдагы жетекчисин кетирип анан иштебейби.Басмачыдан айырмасы жок болуп калыштыго.Эл ушу манкалалар учун чыктыбы бийликке алып келиш учун

Kona8631

2020-10-06 20:50:11

Капарова биримдике чуркап журду беле

Asel69

2020-10-06 20:53:42

Токтоткула.

Mister-X

2020-10-06 23:26:52

Ч.Капарова КТРге жолобосун.Саясатка барганы да туура эмес.Менин душманым же таанышым эмес.Мен Капарованы татыксыз деп ойлойм.

Комментарий калтыруу үчүн өз ысымыңыз менен кириңиз же каттоодон өтүңүз.