Бүгүн, 14-октябрда "Ала-Арча" мамлекеттик резиденциясында Жогорку Кеңештин кезектеги жыйыны өттү. Жыйынга жалпы 83 депутат катышып, премьер-министрлик кызматка Садыр Жапаровдун талапкерлигин бекитишти.
Буга чейин, 10-октябрда дагы Жогорку Кеңештин депутаттары Садыр Жапаровдун талапкерлигин бекитип беришкен. Бирок мыйзамдуулук жагы шек жаратат деген кептер болуп президент Сооронбай Жээнбеков документти кайра кайтарган.