Митингде Ак Үйдү басып алгандан кийин Гапар Айтиев атындагы музейге таандык сүрөттөр жоголуп кеткен

6-октябрдагы митингде Ак Үйдү басып алгандан кийин Гапар Айтиев атындагы Кыргыз улуттук көркөм сүрөт музейине таандык сүрөттөр жоголуп кеткен. Бул тууралуу Маданият, маалымат жана туризм министрлигинин басма сөз кызматынан билдиришти.

Маалыматка ылайык, аталган музейдин сүрөттөрү Ак Үйдө убактылуу сакталып турган.

"2010-жылдан бери 20 эмгек президент жана өкмөттүн иш башкармалыгында убактылуу сактоодо турат. Бардык чыгарылыштар жана кайтаруу иштери музейлерде жайгашкан буюмдарын жана коллекцияларын каттоо жана сактоо нускаманын талаптарына ылайык жүргүзүлдү. Комиссиянын ишинин жүрүшүндө чыгарылган 20 иштин ичинен 12 сүрөт табылды. Сегиз сүрөт табылган жок", - деп билдиришти аталган министрликтен.

Учурда Гапар Айтиев атындагы музей керектүү документтерди тергөө үчүн укук коргоо органдарына өткөрүп берди.

Ошондой эле Маданият, маалымат жана туризм министрлиги Ак үйдү басып алууга катышкан бардык жарандарды жоголгон сүрөттөрдү кайтарып берүүгө же бул эмгектердин кайда экени тууралуу маалымат берүүгө чакырат.

11:15 14-10-2020

Автор: Гүлзина Каныбекова

Жазылуу

РУБРИКАДАГЫ СОҢКУ КАБАРЛАР

09:43 2024-05-15 | Саясат

Кыргыз элчиси Бешимов Непалдын ТИМинин орун басары менен жолугушту 79 0

09:33 2024-05-15 | Коом жана турмуш

Оштогу памирлик кыргыздар айдоочулук кесипке окуп жатышат 114 0

09:28 2024-05-15 | Коом жана турмуш

15-майга карата чет элдик валюталар курсу 152 0

09:18 2024-05-15 | Коом жана турмуш

Ошто көзү азиз жана көрүүсү начар балдар жаңы китептер жана окуу куралдары менен камсыздалды 83 0

09:01 2024-05-15 | Саясат

Малайзиянын премьер-министри Анвар Ибрагим Кыргызстанга расмий сапар менен келди 217 0

08:35 2024-05-15 | Коом жана турмуш

Кыргыз спорту оор жоготууга учурады. Эмгек сиңирген машыктыруучу Руслан Искенов дүйнө салды 414 0

Архив

Комментарийлер (1)

AdylbekB84

2020-10-14 12:46:00

Митинг пикет болот деп сөз башталганда ушундай баалуу буюумдарды жашырсаңар болотко, башыбыздан 3 революция өттү, үчөөндө тең талап тоноо болбой койбодуго! Анткени бизде адам сымал малдар көп, тилеке каршы!

Комментарий калтыруу үчүн өз ысымыңыз менен кириңиз же каттоодон өтүңүз.