Бишкекте адам укуктары тууралуу 7-эл аралык документалдуу кино фестивалы жыйынтыкталды

24-сентябрь күнү Бишкекте 7-эл аралык адам укуктары тууралуу “Бир дүйнө Кыргызстан” аттуу документалдуу кинолордун фестивалы жыйынтыкталды. Анда режиссёр Алмазбек Зарылбек уулунун “Четке кагылгандар” деп аталган киносу адам укуктары тууралуу тартылган мыкты тасма деп табылды. Ал эми “705” чыгармачыл тобунун миграцияны чагылдырган “Көрүнбөгөн адамдар” аттуу тасмасы "Мыкты документалдуу тасма" болсо, режиссёр Медербек Ниязалиедин “Куугунтук” тасмасы аялдардын укугун чагылдырган мыкты тасма болуп табылды. Калыстар "Балдар укугун чагылдырган мыкты тасма" деген наамды эч бир режиссёрго ыйгарбоо чечимин кабыл алып анын ордуна, адам укуктары жана эркиндиги чагылдырылган Лира Асылбекованын “Мекениме кызмат кылам” деп аталган тасмасы сыйланды.

Автор: Айбала Эргешов