Мурдагы билим берүү министри Каныбек Исаков каза болду

Мурдагы билим берүү жана илим министри Каныбек Исаков каза болду. Маалыматты SUPER.KG порталына маркумдун жакындары тастыкташты.

Маалым болгондой, экс-министр пневмония дартынан улам каза болгон. Мындан сырткары ал кант диабети менен дагы жабыркап жүргөн.

Каныбек Исаков Ош мамлекеттик университетинин ректору, Кыргыз Республикасынын билим берүү министри кызматтарын аркалаган.

Ал 51 жашта болчу.

Филология илимдеринин доктору, профессор Каныбек Исаков - 1969-жылы Ош облусунун Ноокат районундагы Кызыл-Тейит айылында туулган. 1987-жылы Ош мамлекеттик университетине окууга тапшырып, 1993-жылы артыкчылык менен аяктаган.

Эмгек жолу:

1993-жылы Ош МУнун кыргыз филологиясы факультетинин тил таануу кафедрасында окутуучу болуп эмгек жолун баштаган.
1995-жылы “Нур” гезитинин башкы редактору болуп дайындалган.
1997-жылы Ош МУнун кыргыз филологиясы факультетинде декандын орун басары болуп иштеген.
1998-жылы Ош МУнун тарбия иштери боюнча ректордун жардамчысы кызматына дайындалган.
2000-жылы Ош МУнун коомдук жана тарбия иштери боюнча проректорлук кызматында иштей баштаган.
2005-жылы Ош МУнун мамлекеттик тил боюнча проректору болуп дайындалган.
2006-жылы Ош гуманитардык педагогикалык институтунун ректору болуп дайындалган.
2011-жылы Ош мамлекеттик университетинин ректору кызматына дайындалган.
2019-жылы Жогорку Кеңеш аны билим берүү жана илим министри кызматына талапкерлигин жактырып, 2020-жылы октябрь айында кызматынан алынган.

SUPER.KG порталынын эмгек жамааты Каныбек Исаковдун мезгилсиз дүйнөдөн кайткандыгына байланышутуу үй-бүлөсүнүн, жакындарынын аза кайгысын тең бөлүшүп, терең кайгыруу менен көңүл айтат.

Мурдагы Билим берүү министри Каныбек Исаков каза болду

Автор: Бекболот Сарыбаев

15:48 12-11-2020

Жазылуу

РУБРИКАДАГЫ СОҢКУ КАБАРЛАР

08:01 2025-06-19 | Кылмыштар, кырсыктар

Бишкекте чачташкан айымдар камакка алынышты 32 0

23:57 2025-06-18 | Түркүн дүйнө

Израил АКШ Иранга каршы операцияга катышуусу керек деп эсептейт 1287 0

22:11 2025-06-18 | Түркүн дүйнө

Кытай Борбор Азия өлкөлөрүнүн өнүктүрүү долбоорлоруна 209 миллион доллар бөлөт 932 0

21:20 2025-06-18 | Түркүн дүйнө

АКШ Ирандын өзөктүк объектилерине сокку урушу мүмкүндүгү айтылууда 2118 0

20:49 2025-06-18 | Коом жана турмуш

Эсиңизде болсун! Бишкекте 11 автобустун каттамы убактылуу өзгөрдү (схема) 498 0

20:11 2025-06-18 | Түркүн дүйнө

Израил Тегерандын түндүк-батышындагы аэропортко чабуул жасады 1684 0

Архив

Комментарийлер (13)

raikakyz

2020-11-12 16:06:21

Жаман болуп жатам, жаткан жери жайлуу, топурагы торко болсун. Жакшылардын жоготуу оор болуп жатат.

+25

Taybas

2020-11-12 16:22:36

Арты кайрылуу болсун. Кыргызстандын келечеги учун кыла турган иштери коп эле...

+18

Bekmamat

2020-11-12 16:29:51

Каныбек Аке жакшы инсан эле, ак конул , оз ишин билген, мыкты адам эле. Жаткан жери жайлуу болсун, Аллах бейишин берсин. ОшМу которгон бирден бир адам. Уйбулосуно туугандарга конул айтабыз.

+16

Alixan-Nookat.2015

2020-11-12 16:40:03

Жаткан жери жайлуу болсун!

Gsuita

2020-11-12 16:44:22

Агай өтө жаман кабар угуп, кабыргабыз кайышып турат. Мыкты инсан элеңиз. Жаткан жериңиз жайлуу болсун деп, аргасыздыктан кош айтышып турабыз

meku89

2020-11-12 17:00:35

Өкүнүчтүү... Жаткан жери жайлуу болсун.

nurka_85

2020-11-12 17:23:52

Агай колубуз жетпесе да бизди окуткан деп сиз менен сыймыктанчу элек...
Жаткан жериңиз жайлуу болсун! Аллахым бейиштен орун берсин!

Asel69

2020-11-12 17:39:45

Жараткан Тенирим жаткан жерин жай кылсын

-8

ZALKARBEK.84

2020-11-12 18:02:23

Жакшы инсан эле, жонокой, кичипейил. Оор жоготуу болду, пандемия учурунда билим беруу системасына ото чон салым кошту. Аллахым бейиштен орун берсин.

Aida001

2020-11-12 18:14:37

Жаткан жери жайлуу болсун.Аллахым бейиштен орун берсин.

asyl1998

2020-11-12 19:42:25

Тенирим колдосун. Жаткан жери жайлуу болсун

-2

Ariz0112

2020-11-12 20:07:13

Жаткан жериниз жайлуу болсун Каныбек агай.

nargiz-sa

2020-11-12 20:55:26

Жакшы адамдын арабыздан эрте кеткени өтө өкүнүчтүү. Кыргыз тил илимине, кыргыз билим берүү тармагына зор эмгекти жасай турган,энергияга толуп жаш илимпоздорго жол көрсөтөөр мезгилде кете берди. Кыргыздын дагы бир бактысы,байлыгы кесилди. Жаткан жери жайлуу болсун.

Комментарий калтыруу үчүн өз ысымыңыз менен кириңиз же каттоодон өтүңүз.