super.kg logo

Ошто "жумушуңардан алдырып салам" деп медайымдардан акча талап кылганга шектүү кармалды (видео)

 

Ош облусунун Араван районунда медайымдардан опузалап акча алып жаткан учурда 31 жаштагы жаран кармалды. Бул тууралуу Ош ОИИБинин басма сөз кызматынан билдиришти.

Билдирүүгө ылайык, кечээ, 12-ноябрда Ош РИИБинин экстремизмге жана мыйзамсыз миграцияга каршы күрөшүү кызматынын кызматкерлерине белгисиз жаран Араван райондук үй-бүлөлүк дарыгерлер тобунун эки медайымына карата "COVID-19 илдетине байланыштуу тактаманы кечиктирип жана туура эмес бердиңер, жумушуңардан алдыртып салам" деген сөздөрдү айтуу менен 100 миң сом акча талап кылгандыгы тууралуу арыз келип түшкөн.

"Бул иш Кылмыштардын жана жоруктардын бирдиктүү реестрине катталып, сотко чейинки өндүрүшкө алынган.

Сотко чейинки тергөөнүн жүрүшүндө Араван районунун Анаров айылынын 31 жаштагы К.Ф. аттуу тургуну опузалап талап кылган акчанын бир бөлүгүн (20 миң сом өлчөмүндөгү акчаны) алып жатканда кармалган. Шектүүгө карата дагы башка кылмыш иштерине тиешеси бар же жок экендигин аныктоо боюнча тергөө иштери жүрүп жатат", - дешти мекемеден.



Ошто эки медайымдан опузалап 100 миң сом акча талап кылганга шектүү жаран кармалды

 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
155915;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: