Дөөлөт Сыдыковдун 14 сааттан ашык манас айтканы боюнча даректүү тасма тартылат

Дөөлөт Сыдыковдун 14 сааттан ашык манас айтканы боюнча даректүү тасма тартылат. Бул тууралуу SUPER.KG порталына аталган иш-чаранын уюштуруучусу Элнура Кулуева билдирди.

Маалыматка ылайык, тасма "Гиннесстин рекорддор китебине" расмий катталуу үчүн тартылат.

"Иш-чара тууралуу даректүү тасма даярдалууда. Бул тасмада иш-чаранын башталышынан тарта аягына чейин баяндалат. Ошондой эле аталган тасмага эксперттердин пикирлери кошулат. Бул тасма англис тилине которулуп, андан кийин комиссиянын кароосуна жиберилет. Бул 3-4 айга созулат", - деп билдирди Элнура Кулуева.

Белгилей кетсек, 12-ноябрь күнү манасчы Дөөлөт Сыдыков 14 саат 27 мүнөт убакыт бою эч тыным албай, тамчы суу ичпестен манас айтып, "Гиннесстин рекорддор китебине" кирүүгө аракет кылган.

Автор: Гүлзина Каныбекова