Ош шаарында Гапар Айтиевдин туулган күнү белгиленди

Ош шаарында 28-сентябрь күнү Г.Айтиев атындагы көркөм сүрөт мектебинде ССРдин Эл сүрөтчүсү Гапар Айтиевдин 101 жылдык мааракеси белгиленди. Гапар Айтиев 1912-жылы 28-сентябрда Ош облусундагы Төлөйкөн айылында туулган. Анын эмгектери кыргыз көркөм сүрөт өнөрүнүн бийик сересин түзөт. Анын живопись, скульптурада кайталангыс эмгектери өз учурунда дүйнө коомчулугун таңданткан. Мектепте сүрөтчүнү эскерүү кечеси уюштурулуп, андан соң Гапар Айтиевдин кыл калемине таандык сүрөттөрдүн көчүрмөлөрүнүн тарткан окуучулардын сүрөт көргөзмөсү болду.

Автор: Жылдыз Жускембаева