super.kg logo

Айыл чарба министри Тилек Токтогазиев ар жекшембиде жарманкелерди уюштурууга убада берди

 

Айыл чарба, тамак-аш өнөр жайы жана мелиорация министрлиги азык-түлүктү арзан баада сатып алууга ар жекшемби сайын жарманкелерди уюштурууну убада кылат. Бул тууралуу министр Тилек Токтогазиев маалымат жыйынында билдирди.

Анын айтымында, жарманке азык-түлүктүн баасын көзөмөлдөө максатында уюштурулат.
"Белгилүү болгондой, бодо малдын этин жана башка айыл-чарба азыктарын жарандар ортомчулардан өтө эле жогору баада алышат. Ошондуктан биз ар бир жекшемби сайын жарманке өткөрүп турууну чечтик. Анда дыйкандардан, өндүрүүчүлөрдөн жана импорттоочулардан азык-түлүктөрдү түздөн-түз арзан баада сатып алууга мүмкүнчүлүк болот. Чыныгы жарманке болот", - деди Тилек Токтогазиев.

Министр айыл-чарба тармагын өнүктүрүүдө башка өлкөлөрдөн үлгү алуу керектигин кошумчалады.

"Айыл-чарба тармагында эң өнүккөн өлкөлөрдүн бири бул - Голландия. Бул өлкөнүн аянты биздеги Ысык-Көл
облусунан кичинекей. Бирок айыл-чарба продукциясын экспорттоо боюнча дүйнөдө экинчи орунда турат. Мунун сыры - алар үрөөндү өндүрүүгө жана аны сатууга көбүрөөк басым жасап, дүйнөлүк рынокту камсыз кылышат. Биз дагы азыр Япония, Корея жана башка европалык компаниялар менен биргеликте айыл-чарбасын өнүктүрүү максатында келишим түзүү боюнча сүйлөшүүлөрдү жүргүзүп жатабыз", - деди министр Тилек Токтогазиев.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 4 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
160002;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: