Нарында Көк-Ой айылынын тургундары митингге чыгышты

Бүгүн, 2-октябрда Нарындын Жумгал райондук мамлекеттик администрациясынын алдында Көк-Ой айылынын тургундары митингге чыгышты. Боз үй тигилди. Чогулгандар бир нече талаптарды коюп жатышат. Алар Көк-Ой айылына тиешелүү үлүш жерлерди кайрадан тактап чыгууну, жери жок жана жер ала албай жатышкан тургундарга жер бөлүп берүүнү талап кылышууда. Митингчилер Жумгал райондук сотуна ишенбөөчүлүк көрсөтүү менен бирге Жумгал РИИБнин тергөө бөлүмүнүн кызматкерлеринин кызматтан кетишин да талап кылышууда.

Автор: Жылдыз Жускембаева