Кыргызстанга Орусиядан келген инвестициянын көлөмү 6 айда 2,3 эсеге өстү

Кыргызстанга 2013-жылдын биринчи жарым жылдыгында Орусиядан келген инвестициянын көлөмү 2,3 эсеге жогорулады. Бул тууралуу Улуттук статистика комитети билдирет. 6 ай ичинде Кыргызстанга Орусиядан 37,7 миллион доллар түз инвестиция келген. Өткөн жылдын 6 ай ичиндеги көрсөткүчү 16,4 миллион долларды түзгөн. Инвестициянын басымдуу бөлүгү өнөр жай ишканаларына 35,4 пайыз (жеңил өнөр жай – 68,2 пайыз, азык-түлүк, ичимдмиктер, тамеки - 31,4 пайыз), электрэнергия, газ жана суу өндүрүүгө 26,5 пайыз жана каржы ишмердүүлүгүнө 12,7 пайыз каражат багытталган.

Автор: Айпери Ганыжан кызы