Президенттикке талапкерлер Садыр Жапаров жана Рашид Тагаев теледебаттын 1-туруна келишкен жок

Бүгүн, 29-декабрда КТРКда президенттикке талапкерлердин дебаты өттү. Ага жалпы 6 талапкердин катышуусу күтүлгөн. Бирок, талапкерлер Садыр Жапаров менен Рашид Тагаев дебатка катышкан жок.

Алып баруучулар алар шайлоочулар менен жолугушуулардын графиги дал келбей калгандыктан дебатка келе албай калганын билдиришти. Талапкерлер дебатка келбесин 1 күн мурда кабарлашкан.

Бүгүнкү дебатка Мыктыбек Арстанбек, Эльдар Абакиров, Арстанбек Абдылдаев жана Имамидин Ташовдор катышышты.

Дебаттын толук видеосу жана хронологиясы менен төмөндөгү шилтеме аркылуу кирип тааныша аласыз.

Автор: Бекболот Сарыбаев