Президенттик шайлоо: Учурда 4 талапкер үгүт иштерин катуу жүргүзүп жатат. Алар кимдер?

Бүгүн, 5-январда "Жалпы иш" коомдук бирикмесинин узак мөөнөттүү байкоочулары президенттик шайлоого карата даярдык боюнча маалымат жыйын өткөрүштү. Анда узак мөөнөттүү байкоо жүргүзүү боюнча эксперт Арсланбек Өмүрзаков президенттикке талапкерлерден учурда 4 талапкер үгүт иштерин активдүү жүргүзүп жатканын айтты.

"Биздин изилдөөлөрдүн жыйынтыгында талапкерлердин ичинен 4 талапкер үгүт иштерин активдүү кылып жатышат. Аларды атап кетсек Садыр Жапаров, Адахан Мадумаров, Бабыржан Төльбаев жана Курсан Асанов. Бул талапкерлер учурда үгүт иштерин катуу жүргүзүп жатышат", - деди Өмүрзаков.

Мындан тышкары Өмүрзаков узак мөөнөттүү байкоочулар президенттик шайлоого гана байкоо жүргүзүп жатканын айтты.

Автор: Азат Бейшенбеков
Фото: Азат Бейшенбеков