БШКнын төрайымы КТРКнын дебатында алып баруучу окуган эскертүү бул дебаттын эрежелери экенин айтты

Тектеш кабарлар: Президенттик шайлоо - 2021 (143 материал)

КТРКнын дебатында алып баруучу окуган эскертүү бул мыйзамдагы эрежелер. Бул тууралуу бүгүн, 7-январда Борбордук шайлоо комиссиясынын төрайымы Нуржан Шайлдабекова отурумда билдирди.

"Жөнөтүлгөн катта мыйзамдын беренелери камтылып, дебаттын эрежелери жазылган. Биз былтыркы жылы, мурда деле эрежелерди бергенбиз. Бул жалпы эреже. Дебаттын алдында аларга эскертебиз. Бул боюнча түшүндүрмө беребиз", - деди Шайлдабекова.

Кечээ, 6-январда КТРК коомдук телеканалында президенттике талапкерлердин кезектеги теледебаты болуп өттү. Ага талапкерлер Адахан Мадумаров, Канатбек Исаев, Курсан Асанов, Эльдар Абакиров жана Аймен Касенов катышты. Ал эми дагы бир талапкер Садыр Жапаров дебатка катышкан жок.

Дебаттын жүрүшүндө алып баруучу БШК дебаттын жүрүшүндө кайсы бир талапкер талапкерге каршы чакырыктарды таратууга, тигил же бул талапкерге каршы терс пикирлерди айтууга чектөө киргизгенин маалымдаган.