Аймактар сүйлөйт. Нарын облусунда 992 шайлоо мүчөлөрүнө өрт коопсуздук эрежелери боюнча түшүндүрүү иштери жүргүзүлдү

Нарын облусунда жайгашкан 171 шайлоо тилкесинин 992 шайлоо мүчөлөрүнө өрт коопсуздук эрежелери боюнча түшүндүрүү иштери жүргүзүлдү. Бул тууралуу ӨКМнын басма сөз кызматы маалымдайт.

"ӨКМнын Нарын облусу боюнча башкармалыгынын түзүмдүк бөлүмдөрүнүн өздүк курамы тарабынан облуста жайгашкан 171 шайлоо участогунун 992 шайлоо мүчөлөрүнө түшүндүрүү иштери жүргүзүлдү. Мындан тышкары Мамлекеттик экологиялык жана техникалык коопсуздук инспекциясынын кызматкерлери менен бирге өрттү алдын алуу иш-чараларын жүргүзүү максатында 171 шайлоо участогунун айрым участокторунда кемчиликтер аныкталып жеринде жоюлду. ӨКМнын Нарын облусу боюнча башкармалыгынын түзүмдүк бөлүмдөрүнүн кызматкерлерине техникалык коопсуздук жана этика боюнча түшүндүрүү иштери жүргүзүлдү. Шайлоо участокторунун ыкчам карточкалары толук корректировкалоодон өткөрүлдү", - деп жазылат маалыматта.