Чет өлкөдөгү биринчи шайлоо тилкеси ачылды

Кезексиз президенттик шайлоонун жана референдум өткөрүүнүн алкагында бүгүн, 10-январда жергиликтүү убакыт боюнча саат 08:00дө (Бишкек шаары боюнча түнкү саат 03:00дө ) Южно-Сахалинск шаарында шайлоо участкасы ачылды. Бул тууралуу Кыргыз өлкөсүнүн Тышкы иштер министрлигинен кабарлашты.

Шайлоо тилкеси Кыргыз өлкөсүнүн Орусиядагы элчилигинин кеңсесинде жайгашкан. Южно-Сахалинск шайлоо участкасында шайлоочулардын тизмесинде 851 Кыргыз жараны бар. Жалпысынан 48 шайлоо участкасы ачылган.

Бүгүн өлкөдө мөөнөтүнөн мурда президенттик шайлоо жана мамлекеттик башкаруу формасы боюнча референдум өтүп жатат.