Бишкекте Чыңгыз Айтматовдун 85 жылдык мааракесине арналган көргөзмө ачылат

12-октябрда борбор шаардагы Улуттук көркөм сүрөт академиясынын көркөм залында улуу жазуучу Чыңгыз Айтматовдун 85 жылдык мааракесине карата ата мекендик сүрөтчүлөрдүн республикалык көргөзмөсү ачылат. Иш-чараны Улуттук көркөм сүрөт академиясы, Улуттук илимдер академиясы жана Кыргызпатент уюштурууда. Муну 4-октябрда Кыргызпатенттин басма сөз кызматы маалымдады. Көргөзмөнүн максаты - кыргыз сүрөт искусствосундагы Чыңгыз Айтматов темасын өнүктүрүү. Республиканын бүт облустарынан келген сүрөтчүлөрдүн эмгектери коюлмакчы.

Автор: Жылдыз Жускембаева