Садыр Жапаров: "Эч кандай митинг болбошу керек"

Бүгүн, 13-январда президенттик шайлоодо жеңишке жеткен Садыр Жапаров Орусиянын "Россия 24" телеканалына маек берди. Маек учурунда Жапаров эл ар кандай митингдерден тажаганын айтты.

"Эл ар кандай толкундоолордон тажады жана кыргыз эли өз тандоосун жасады. Андыктан жакынкы арада эч кандай митинг болбошу керек. Анткени азчылык көпчүлүктүн пикирин сыйлоосу кажет. Ал эми көпчүлүк өзүнүн тандоосун жасады", - деди Жапаров.

Мындан тышкары Садыр Жапаров 1-июнга чейин саясий процесстерди аягына чыгаруу керек экенин баса белгиледи.

Автор: Азат Бейшенбеков