"Иш бөлмөмдү бошотпойм" деген мурунку акыйкатчы жаңы шайланган акыйкатчы менен сүйлөшүү жүргүзүүдө

Бишкекте бүгүн, 4-октябрда мурунку акыйкатчы Турсунбек Акун менен жаңы шайланган акыйкатчы Бакыт Аманбаев жолугушуп, сүйлөшүү жүргүзүүдө. Жолугушуу акыйкатчынын иш бөлмөсүндө уюштурулуп, ага 4 киши катышып жатат. Бакыт Аманбаев менен Турсунбек Акундан башка ал жерде Акундун тарапташы жана коомдук ишмер Кыяс Молдокасымов да бар.

Эске салсак, кызматтан мыйзамсыз бошотулганын айткан Акун 16-сентябрдан бери ачкачылык кармоону улантууда. Жаңы акыйкатчы да мыйзамсыз шайланганын жар салган ал "мыйзамдагы ууру" Азиз Батукаевдин ишине катыштыгы бар аткаминерлер кызматтан бошотулмайынча артка кайтпайм" деп жатат.

Автор: Айпери Ганыжан кызы