Кыргыз режиссёрлору тарткан тасма эл аралык фестивалда эң мыкты деп табылды

Бангладеште өткөн эл аралык Дакка кинофестивалында (Dhaka lnternational Film Festival) "Акыркы көч" тасмасы "Эң мыкты тасма" деп табылды. Бул тууралуу Маданият, маалымат жана туризм министрлигинен кабарлашты.

Аталган тасманын режиссёрлору - Бакыт Мукул жана Дастан Жапар уулу.

Дакка кинофестивалы быйыл 16-24-январь аралыгында онлайн өттү. Фестивалда 73 мамлекеттен 226 тасма көрсөтүлдү.

Тасма "Кыргызфильм" киностудиясынан жана "Билимкана" фондунун колдоосу менен тартылган. Башкы ролдордо: Марат Алышбаев, Бусурман Одуракаев, Шайыргүл Касымалиева, Анара Ажыканова жана башкалар.