Ош. Өзгөн районунда спорттук зал колдонууга берилди

Өзгөн районунун Куршаб айылдык округунда бүгүн, 9-октябрда Таңгатаров атындагы интернат-гимназиясына жаңы курулган спорттук зал ишке берилди. Иш-чарага катшкан өкмөттүн облустагы өкүлү Сооронбай Жээнбеков жергиликтүү тургундарды жаңы имараттын ишке берилиши менен куттуктады. Мындан сырткары мамлекет тарабынан социалдык тармактарга өзгөчө көңүл бурулуп, бул тармакка мурдагы жылдарга салыштырмалуу 2-3 эсе көп каражат бөлүнүп жаткандыгын кошумчалады. Аталган спортзал Куршаб айылдык округу тарабынан каржыланып, ага 2 миллион 895 миң сом акча каражаты сарпталган.

Автор: Элира Чынтемир кызы