реклама
super.kg logo
  Саясат  

"100 миң сомдук сертификат". Премьер-министр Улукбек Марипов Кой-Таштагы аскер бөлүгүнө барды (сүрөт)

 

Премьер-министр Улукбек Марипов Коргоо министрлигинин Кой-Таш айылындагы №73809 аскер бөлүгүндө болуп, Ата Мекенди коргоочулардын күнүн белгилөөгө арналган салтанаттуу иш-чарага катышты. Бул тууралуу өкмөттүн басма сөз кызматынан билдирди.

Анда Марипов аскер бөлүгүнүн аскердик техникалары, куралдары жана аскер кызматкерлеринин тамактануусун уюштуруу менен таанышкан.

16-февралда премьер-министр аскер кызматкерлеринин азык-түлүк рационунун чендерин жогорулатуу жөнүндө чечимге кол койгон. Ага ылайык, колбаса, сыр, коюлтулган сүт жана жемиштерди камтыган кошумча азык-түлүктөр аскердик рационго киргизилген.

Мындай чечим Кыргыз Республикасынын Куралдуу күчтөрүнүн аскер кызматкерлеринин тамак-ашын жана ден соолугун уюштурууну жакшыртуу максатында кабыл алынган.

Аскер кызматкерлеринин азык-түлүк рационунун коэффициенти 2002-жылдан бери өзгөргөн эмес болчу.

Өкмөт башчы аскер кызматкерлерин майрамы менен куттуктап, аларга күжүрмөн даярдыкта ийгиликтерди каалаган. Ошондой эле жеке курамдын бош убактысын өркүндөтүү жана күжүрмөн даярдыкты өткөрүү үчүн ири форматтагы мультимедиа проекторун сатып алууга 100 миң сом өлчөмүндө каражат бөлүү үчүн сертификат тапшырылганы айтылат маалыматта.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
162320;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: