Садыр Жапаров Татарстан президенти Рустам Минниханов менен жолугушту

Кыргыз Республикасынын президенти Садыр Жапаров бүгүн, 24-февралда Татарстан Республикасынын президенти Рустам Минниханов менен жолугушту.

Жолугушууда Кыргыз-Татар эки тараптуу байланыштарынын келечеги жөнүндө пикир алмашуу болду.

Садыр Жапаров Кыргыз өлкөсү менен Татарстан элдерин маданиятынын, тилинин окшоштугу, бир дин, жалпы каада-салттар бириктирип турарын жана аларды колдоо зарылдыгын өзгөчө белгиледи.

Кыргыз өлкөсү бүгүнкү күндө Орусиянын өнүккөн аймактарынын катарына кирген Татарстандагы ийгиликтерге канааттануу менен көз салып тургандыгын кошумчалады.

Ал Рустам Миннихановдун Кыргыз-Татар эки тараптуу байланыштарын өнүктүрүүгө жана илгерилетүүгө ынтаа коюу менен мамиле кылгандыгы үчүн ыраазычылыгын билдирди.

«Биз ар дайым тыгыз кызматташууга, эки өлкөнүн элдеринин кызыкчылыгындагы экономикалык, соода, маданий байланыштарды өнүктүрүүгө ынтызарбыз», — деп белгиледи Садыр Жапаров.

Рустам Минниханов электрондук башкаруу, инфратүзүмдүк долбоорлорду ишке ашыруу жана башка чөйрөлөрдө тажрыйба алмашууга даяр экендигин билдирди.

Автор: Айсалкын Качкынбекова