Катуу сууктан Өзбекстан менен Тажикстанда шабдаалы, гилас, жүзүм сыяктуу өсүмдүктөр түшүм бербей калышы мүмкүн

Катуу сууктан Өзбекстан менен Тажикстанда шабдаалы, гилас, жүзүм сыяктуу өсүмдүктөр түшүм бербей калышы мүмкүн. Бул тууралуу жергиликтүү басылмалар жазышууда.

Белгилүү болгондой, 24-февралда абанын температурасынын кескин төмөндөшү адаттан эрте гүлдөгөн бир топ мөмө-жемиштерди үшүк алып кетүү коркунучун туудурган. Коңшу мамлекеттердин кээ бир аймактарында температура 10 градустан ылдый түшкөн.

"Мындай суук көптөгөн өсүмдүктөрдүн түшүмүн азайтат, ал эми данектүү мөмө-жемиштер бул жылы таптакыр түшүм бербей калышы мүмкүн", - деп айтылат маалыматта.

Алдын ала божомолдоолорго ылайык, бул жылы бадам 55-60, шабдаалынын гүлдөгөн сорту 70-80, гүлдөй элек сорту 30-35, кара өрүк 35-40 пайызга аз түшүм бериши мүмкүн.

Автор: Бекболот Сарыбаев