Сириянын башчысы жана анын жубайы коронавируска кабылды

Сириянын президенти Башар Асад жана анын жубайынан коронавирус табылды. Бул тууралуу дүйнөлүк басылмалар жазып чыгышты.

Маалыматка караганда, 55 жаштагы Башар Асад жана анын 45 жаштагы жубайы Асма эки-үч апта өз үйүндө обочо дарыланган соң, жумуштарына кайтышат.

"Учурда экөөнүн тең ден соолугу чың жана абалы туруктуу", - деп жазылат маалыматта.

Белгилей кетсек, Сирия 2011-жылы март айында "Араб жазы" деп аталган бүткүл аймак боюнча авторитардык режимдерге каршы кеңири жайылган толкундоолор учурунда жарандык согушка кабылган.

Автор: Гүлзина Каныбекова