Рамзан Кадыров "Нобель" сыйлыгына көрсөтүлдү

Чеченстандын президенти Рамзан Кадыров "Нобелдин" Тынчтык сыйлыгына көрсөтүлгөнүн республиканын маалымат жана басма сөз министри Ахмед Дудаевге шилтеме берүү менен чет элдик басылмалар жазышты.

Маалыматка ылайык, буга чейин мындай маалыматты ММКлар жазып чыгышкан, анткени анын негизи катары "акыркы 15 жыл ичинде тарыхый оор аймакта ишенимдүү тынчтыкты орнотууга жана сактоого кошкон зор салымы" көрсөтүлгөн.

"Аймактын башчысы коомдо эл аралык терроризмди жеңиши, экономиканын жана социалдык чөйрөнүн тез калыбына келиши үчүн ушундай баа алды", - деп билдирген Дудаев.

"Нобель" сыйлыгына арызды ким бергени белгисиз. Дудаевдин айтымында, бул купуя маалымат. Эл аралык "Нобель" маалымат борборунун президенти Вячеслав Тютюнник уставга ылайык арыз ээсинин атын 50 жыл бою ачыктаганга болбойт деп тактаган.

Автор: Айзада Кыдырмышева