Испания чемпиондугунун 29-турунун оюнунда "Атлетико" "Севильяга" утулуп калды

Испания чемпиондугунун 29-турунун оюнунда "Атлетико" "Севильяга" утулуп калды (0:1).

Бир күн мурун "Эйбарды" 0:2 эсебинде жеңген "Реал Мадрид" турнирдик таблицада "Атлетикодон" айырманы азайты.

Диего Симеоненин командасы лидерлигин сактап калууда, бирок экинчи болуп келе жаткан "Реал" азыр үч гана упай айырмачылыгында артта.

"Барселона" "Атлетикодон" төрт упай артта, бирок алдыда ойной турган резервде оюну бар.

Каталониялыктар 6-апрелде 29-турда Бишкек убактысы боюнча 01:00, "Вальядолидди" кабыл алышат. Эгер жеңишке жетсе, айырманы бир упайга чейин кыскартышат.

Автор: Ырыскелди Салбаров