Экс-депутат Токтогул Туманов коронавирустан каза болду. Бул тууралуу SUPER.KG порталына Республикалык жугуштуу оорулар ооруканасынын башкы дарыгери Гүлжигит Аалиев тастыктады.
"Кечээ, 6-апрелде саат 21:50дө Токтогул Туманов коронавирус жана пневмония илдетинин оор түрүнөн каза болду", - деди ал.
Туманов 1966-жылы 23-мартта Жалал-Абад облусунун Токтогул айылында төрөлгөн. Жогорку Кеңештин V чакырылышынын депутаты болгон.
SUPER.KG порталынын эмгек жамааты Токтогул Тумановдун дүйнөдөн кайтканына байланыштуу үй-бүлөсүнүн, жакындарынын аза кайгысын тең бөлүшүп, терең кайгыруу менен көңүл айтат.