Бишкектеги 1063 шайлоо тилкесинде 1409 шайлоочунун ичинен 86сы добуш берди

Жал кичи районунда жайгашкан 1063 шайлоо тилкесинде добуш берүү уланууда. Шайлоо тилкесинин төрайымы жалпы 1409 адам добуш бере аларын, алардын 86сы келип добуш берип кеткенин билдирди. Аталган тилкеде карантин эрежелери сакталып жатат.

Шайлоого келген 48 жаштагы Асел айым ар дайым шайлоого келгендердин катарында. Ал бул ирет кызын ээрчите келип, добуш берүү кандай болорун көрсөттү.

"Ар дайым элге жардам берип, коомдук турмушта активдүүлүгүн көрсөтүп жүргөн талапкерлерге добушумду бердим. Ошондой эле Конституциянын жаңы долбооруна каршы деп добуш бердим. Анткени биз ага даяр эмеспиз. Мурдагы шайлоо жыйынтыгы боюнча айта кетсем, Жапаровдун келгенине 3 ай болбодубу. Дагы көрөбүз. Баары жакшы болот деп үмүт кылалы", - деген оюн билдирди Асел айым.

Автор: Самира Шарипова
Фото: Самира Шарипова