Бишкектеги №1208 шайлоо тилкесинде добуш берүүгө келгендердин саны арбын

Бүгүн, 11-апрелде жергиликтүү кеңештерге шайлоо жана референдум өтүүдө. Бишкек шаарындагы №29 мектеп комплексиндеги №1208 шайлоо тилкесинде добуш берүүгө келген шаардыктардын саны кыйла арбын, кезек көп.

Аралык сакталбаганы менен, башка бардык карантиндик эрежелер сакталган. Кире бериште шайлоочулардын дене табын текшерип, колдоруна антисептик чачып, бет кап берилип жатканын көрүүгө болот.

Белгилей кетсек, 28 шаардык кеңеште, 420 айылдык кеңештерге шайлоо болууда.

Автор: Айзада Кыдырмышева
Фото: Айзада Кыдырмышева