"Ыраазымын". Ырчы Гүлзада Рыскулова катарында болгон партия шайлоодон өтпөй калды

Кыргыз Республикасынын Эмгек сиңирген артисти Гүлзада Рыскулова "Бүтүн Кыргызстан" партиясынын катарында жергиликтүү кеңешке шайлоого аттанган. Тилекке каршы, аталган партия жетиштүү добуш топтой алган жок. Буга байланышту ырчы билдирүү жасап, колдоо көрсөткөндөргө ыраазычылыгын билдирди.

"Канча сынактардан жеңилип, акыркы орунга да илээшпей калган учурлар чыгармачылыгымда көп эле болду. Жыгылып кайра туруп, жеңилип кайра чыйралып келем. Бүгүнкүнүн жыйынтыгын келечектин көзү менен көрдүм. Жалган чынга окшошсо да өмүрү кыска! Мага колдоо көрсөткөн жакындарыма, угармандарыма, өнөр сахнасындагы бир туугандарыма ыраазымын", - дейт ал.

Кечээ, 11-апрелде жергиликтүү кеңештерге шайлоо өттү. Анда 25 партия шаардык кеңештин 45 оруну үчүн ат салышкан.

Автор: Бактыгүл Момбекова