Роскосмос АКШнын санкцияларынан жапа чекти

2020-жылы бир катар чет элдик компаниялар АКШнын санкцияларына байланыштуу космостук иш-аракеттер боюнча орусиялык Роскосмос корпорациясы менен кызматташуудан баш тартышкан. Бул тууралуу экономика жана каржы мамлекеттик корпорациясынын башкы директорунун биринчи орун басары Максим Овчинников ЖМКлардын бирине берген маегинде билдиргенин чет элдик басылмалар жазышты.

"Өткөн жылы бизде айрым компаниялар мамлекеттик коргонуу тапшырыгын аткаруу үчүн зарыл болгон элементтерди берүүдөн баш тартышкан жана бул элементтер Орусиянын аймагында өндүрүлгөн эмес", - деген Овчинников. Анын айтымында, бул расмий баш тартуу болгон, эми топ-менеджер айткан компаниялар мамлекеттик корпорацияга карыз. "Албетте, биз аларды өзүбүзгө кайтарып алуу үчүн баарын жасайбыз", - деген чектөөлөрдөн жапа чеккен корпорациянын өкүлү.

Ошол эле учурда Роскосмостун өкүлү корпорация тобокелчиликтер жөнүндө өнөктөштөр менен сүйлөшүүлөр башталардан бир жыл мурун билгендигин айткан. "Биз мамлекеттик корпорациянын бөлүгү эмес, башка компания менен иштеше баштадык, бирок бул өнүмдү өндүрүү боюнча орусиялык ишкана, бир жылдан кийин ал жөн гана пайда болот", - деп белгилеген.

2020-жылдын аягында АКШнын Соода министрлиги эки өлкөнүн куралдуу күчтөрү менен кызматташат делген орус жана кытай уюмдарынын тизмесин жарыялаган. Тактап айтканда, Коргоо министрлиги, Тышкы чалгындоо кызматы, "Прогресс" ракеталык-космос борбору жана башка ишканалар Американын санкцияларына кабылышкан.

Автор: Айзада Кыдырмышева
Фото: "Роскосмос"