Борбор калаадагы бир нече мектеп жана бала бакчалар газга өткөрүлөт. Мэрия сынак жарыялады

Борбор калаанын экологиялык абалын жакшыртуу боюнча комплекстүү иш-чаралардын алкагында Капиталдык курулуш башкармалыгы жалпы билим берүү мекемелеринин көмүр менен иштеген от казандарын газга өткөрүү боюнча долбоорлоо-изилдөө иштерине сынак жарыялайт. Бул тууралуу Бишкек шаардык мэриясынын басма сөз кызматынан билдиришти.

Билдирүүдө жазылгандай, жумуштун сметалык баасы 6 миллион 198 миң 875 сомду түзөт. Каражат шаардык бюджетте каралган.

Төмөнкү мекемелерде көмүр менен иштеген от казандары газга өткөрүлөт:

• №12 бала бакча;
• №23 мектеп;
• №35 мектеп;
• №15 мектеп;
• №54 мектеп;
• №59 мектеп;
• №32 мектеп;
• Мүмкүнчүлүгү чектелген балдарды реабилитациялоо борбору.

"Бишкекжылуулукэнерго" коммуналдык ишканасынын жана Билим берүү башкармалыгынын суранычы боюнча, Капиталдык курулуш башкармалыгы жалпы билим берүү мекемелеринин көмүр менен иштеген от казандарын газга өткөрүү боюнча долбоорлоо-изилдөө иштерине сынак жарыялады", - деп жазылат мекеменин маалыматында.

Автор: Айжанар Рыспек кызы
Фото: Бишкек шаардык мэриясынын басма сөз кызматы