Казакстанда акыркы суткада 2 жарым миңден ашык адамдан коронавирус аныкталды

Коңшу Казакстанда акыркы бир сутка ичинде 2 миң 641 адамдан коронавирус инфекциясы аныкталды. Бул тууралуу аталган өлкөнүн басылмалары жазып чыгышты.

Маалыматка ылайык, Казакстанда коронавирустун көбөйүүсү күч алууда. Бир күн мурун, тагыраагы 14-апрелде бул өлкөдө 2 миң 229 адамдан коронавирус аныкталган. Ал эми коронавирус инфекциясынын эң жогорку чеги 10-апрелде катталган. Анда сутка ичинде 2 миң 842 адамдан коронавирус аныкталган.

Муну менен аталган өлкөдө коронавирус инфекциясын жуктурган адамдардын жалпы саны 278 миң 695 адамга жетти.

Автор: Азат Бейшенбеков