Кара-Суу районундагы калкты тейлөө борбору май айында ишке кирип, жергиликтүү тургундарга кызмат көрсөтө баштайт

Кара-Суу районунун тургундарына керектүү документтерди алуудагы кезек күтүү көйгөйүн чечүү, ыкчам кызмат көрсөтүү жана тейлөө сапатын жакшыртуу максатында заманбап калкты тейлөө борбору ачылат. Бул тууралуу өкмөттүн Ош облусундагы ыйгарым укуктуу өкүлүнүн маалымат кызматы кабарлады.

Маалыматка ылайык, учурда оӊдоп-түзөө иштери жүрүп жаткан имарат менен өкмөттүн Ош облусундагы ыйгарым укуктуу өкүлү Жарасул Абдураимов таанышып чыккан. Аталган мекеме май айында ишке кирип, жергиликтүү тургундарга кызмат көрсөтө баштайт.

Автор: Гүлшат Ысамамат кызы