Электр энергиясына сунушталган жаңы тариф боюнча тегерек стол өтүүдө

Энергетика тармагын реформалоо маселелери жана электр энергиясына сунушталган жаңы тариф боюнча тегерек стол өтүп жатат. Анда аналитик, публицист Мусурманкул Кабылбеков, энергетика тармагы боюнча эксперт Жаныбек Оморов, Кыргыз Республикасынын Эмгек сиңирген энергетиги Калый Рахимов, мамлекеттик ишмер Амангельды Муралиев жана башка энергетика боюнча эксперттер катышууда.

Алар жакынкы аралыкта электр энергиясына болгон тарифти өзгөртүүнүн айласында ой-пикирлерин айтышууда.

"Тарифтик саясат өтө маанилүү нерсе. Эгер бул экономикалык өндүрүш боло турган болсо, анда бизге түшкөн кирешелерге кайсы бир жабдыктарды алууга, оңдоп-түзөө жумуштарына керектелмек. Бирок өз продукциясын арзан баада саткан бул бир гана мамлекеттик ишканалар болот. Жеке ишканалар мындай мүмкүнчүлүк түзүп бере албайт. Ал эми тариф боюнча 2001-жылы тариф өзгөргөн ошол бойдон дээрлик 20 жыл эч кандай өзгөрүү болгон эмес. Бул арада жашоо баасы кымбаттады", - деди эксперттердин бири.

Коомчулукта тариф боюнча ар кандай пикирлер айтылып, талкуу жаратып жаткан кези. Бул жакшы көрүнүш, ушул жол аркылуу гана аталган көйгөйдү чогуу чечүүгө мүмкүн экендиги айтылды.

20-апрелде өлкө башчы Садыр Жапаров электр энергиясына болгон жаңы бааны сунуштаган. Социалдык тармактын айрым колдонуучулары бул сунушту талкууга алып сындашкан. 21-апрелде энергетика жана өнөр жай министри Кубанычбек Турдубаев маалымат жыйын берип, өлкөдө электр энергиясына болгон 0.77 сомдук тариф дүйнө жүзүндө жок экендигин айткан. Ошону менен катар эле электр энергиясына болгон маселе өтө оор экенин белгиледи. Электр энергиясына болгон тарифтерге өзгөрүү болжол менен август айына пландалып жатат.

Автор: Айжанар Рыспек кызы

10:52 28-04-2021

Жазылуу

РУБРИКАДАГЫ СОҢКУ КАБАРЛАР

00:28 2025-06-14 | Коом жана турмуш

Бишкекте мамлекеттик номери жок унаа башкарган айдоочу кармалды 483 0

23:27 2025-06-13 | Коом жана турмуш

"Айылда, шаарда да мүмкүнчүлүктөр бар". Гарвардды аяктаган кыргыз кызы Севара менен маек 1044 0

22:28 2025-06-13 | Коом жана турмуш

Бишкектеги жаңыланган «Алга» спорттук комплексинен фоторепортаж 637 0

22:25 2025-06-13 | Кылмыштар, кырсыктар

Кара-Кулжада келиндин өлүмү: Блогер Бауржан Абдумаликов кармалды 2070 0

21:48 2025-06-13 | Коом жана турмуш

Бишкекте «Алга» спорттук комплексинин ачылыш аземи өтүүдө (фото) 667 0

21:16 2025-06-13 | Саясат

Экс-депутат Абдыкапар Султанов дүйнөдөн өттү (некролог) 1769 0

Архив

Комментарийлер (5)

zhunusali

2021-04-28 11:43:57

Атамбаевтин убагында которулгонго,эмне ал убакта уктап жаттынар беле?

-2

Rifle_I

2021-04-28 12:16:05

Айлыктарды көтөрүү боюнча тегерек стол да болобу ? :)

Urmat78

2021-04-28 12:52:06

Жапаров ашадан ала турган очун элден алып атабы.Турмодо жаткан жеринен эл чыгарса эми озунун каалаганын кылып атат го

Urmat78

2021-04-28 12:54:13

Мейли кымбаттасын мурда деле кымбаттап турган.Бирок кичине кичинеден кымбаттаган да азыр 77 тыйынды 1сом 48 тыйын деп эки эсе кошулуп атпайбы

munar1980

2021-04-28 15:08:53

Менин жеке көз карашым балким ортомчуларды жок кылып жойуп салып Энергиядан түшкөн акчаны бюджетке түшө турган кылса болбойбу? Ошол 77 тыйынбы или 1.48 тыйынбы ? Менин түшүнүгүм боюнча Мамлекет энергияны 1 кв үчүн 30. 40 тыйындан ортомчуларга сатат анан алар элге бери эле дегенде 77 тыйындан или 2.16 тыйын элге сатат пайданы ортомчулар жейт ушунун кереги барбы

Комментарий калтыруу үчүн өз ысымыңыз менен кириңиз же каттоодон өтүңүз.