Депутаттар президентти Жогорку Кеңештин жыйынына келишин талап кылышты

Депутаттар президент Садыр Жапаровду Жогорку Кеңештин жыйынына келишин талап кылышты. Бул тууралуу парламенттен билдиришти.

Учурда Садыр Жапаров коопсуздук кеңешинин жыйынын өткөрүүдө.

Жогорку Кеңеште чек ара чыры боюнча маселе жабык эшик артында каралып жатат.

Кечээ, 28-апрелде Кыргыз-Тажик чек арасындагы абал кайрадан курчуду. Чек ара кызматынын маалыматына ылайык, алгач тажик жарандары эки өлкөнүн кесилишкен жеринен шагыл жүктөөгө аракет кылышса, кийинчерээк Головной суу алуучу жайына тажик чек арачылары көзөмөл камераларын орнотушкан. Буга нааразы болгон кыргыз тарап камераларды алып салууну талап кылып, ортодо эки тараптан 100-150 тургун чогулуп, чыр чыккан.

Автор: Жылдыз Джускембаева