Бүгүн, 4-майда Баткен облусундагы жабыркагандарга жардам, өлкөдөгү эпидемиологиялык кырдаал жана эмдөө боюнча маалымат жыйын болуп өттү.
Анда саламаттыкты сактоо жана социалдык өнүктүрүү министринин биринчи орун басары Ализа Солтонбекова "Баткенге барган эл өкүлдөрү, блогерлер пиар үчүн барып жатабы?" деген суроого жооп берди.
“Алар жөн эле барып жатышкан жок. Ошол эле учурда ал-акыбалдары менен таанышып, жарандарга, медициналык кызматкерлерге жардам керек болсо жардам берип, алдын ала министрлик менен сүйлөшүп барып жолугушуп жатышат. Кооптонуунун кереги жок. Бардыгы министрликтин көзөмөлүндө”, - деди Солтонбекова.