Ольга Лаврова: "Электр станциялары" ишканасы 100 миллион сом каражат сурап жатат"

Парламенттин 21-октябрдагы казына жана каржы боюнча комитетинин жыйынында каржы министри Ольга Лаврова "Электр станциялары" ачык акционердик коому казынадан 100 миллион сом сурап жатат" деп билдирди. "Азыркы тапта ички фиксалдык таңкыстыкты айтып жатышат, кышында жылуулук берүүнү үзгүлтүккө учуратпоо үчүн күйүүчү май алынышы керек",- деди ал. Комитеттин жетекчиси Ахматбек Келдибеков коммерциялык жактан киреше таап жаткан компанияларга каражат берүүгө тыюу салуу керектигин айтты. "Ушуга чейин "Электр станциялары" бизге салыкка деп бир да тыйын берген жок, биз аларга казынадан акча бергени жатабыз",- деди Келдибеков.

Автор: Айпери Ганыжан кызы