Өкмөттүн аппаратына 2 миң 393 кат жүзүндө жана 1 миң 775 оозеки түрдөгү жарандардын кайрылуусу келип түшкөн

2021-жылдын январь-апрель айында өкмөттүн аппаратына 2 миң 393 – кат жүзүндө жана 1 775 оозеки түрдөгү жарандардын кайрылуусу келип түшкөн. Бул тууралуу өкмөттүн басма сөз кызматынан билдиришти.

- Президенттик аппарат – 205;

- Жогорку Кеңеш – 129;

- Премьер-министрдин коомдук кабылдамасы – 120;

- Электрондук кайрылуулар – 194.

Премьер-министрдин коомдук кабылдамасында жеке маселелер боюнча 938 жаран кабыл алынган, анын ичинде жетекчилик тараптан 76 жаран кабыл алынган.

2020-жылдын тийиштүү мезгилине салыштырмалуу кайрылуулардын саны 1 миң 329 кайрылууга же 2,25 эсеге көп болгон.

Жарандардын кат жүзүндөгү кайрылууларынын тематикасы боюнча төмөнкү багыттарды бөлүп көрсөтүүгө болот:

- Жеке кабылдама боюнча - 273;

- Турак-жай маселеси - 206;

- Социалдык кызматтардын иши, пенсиялар, жеңилдиктер, жөлөк пулдар жана материалдык көмөк көрсөтүү тууралуу кайрылуулар - 189;

- Кадрдык маселелер, жумушка орноштуруу, эмгек талаштары жана айлык акы тууралуу - 103;

- Ички иштер министрлигинин маселелери - 99;

- Саламаттыкты сактоо жана Милдеттүү медициналык камсыздоо фондунун иши боюнча маселе - 94;

- Банк түзүмдөрүнүн, микрокредиттик компаниялардын маселеси - 89.

Жарандардын айрым кайрылуулары боюнча Кыргыз Республикасынын министрлик жана мекемелеринде авторлор тарабынан көтөрүлгөн көйгөйлөрдү жана көрсөтүлгөн фактыларды иликтеп чыгуу үчүн жумушчу топтор түзүлгөн.

Автор: Жылдыз Джускембаева