реклама
super.kg logo

СУПЕРСТАН: "Жеңе, мен сизди жакшы көрөм..."

 

"Суперстандын" "Жүрөк сыры" бөлүмүнө "Күйөөсүнөн өч алыш үчүн өз баласын иттерге таштаган аял" деген аталыштагы окуя жарыяланган.

Автор: "...Күүгүм кирип келе жаткан. Аңгыча жолдун жээгиндеги чайкананын жанында токтоп турган байкемдин машинасын көрдүм. Дал өзү номеринен айныбай тааныдым. Негедир ошол чайканага тартылып туруп алдым. Балким, Сайкалды учурдан пайдаланып Макс менен тааныштыргым келди. Сайкал деле макул болду. Ичине кирип жайгашып тамак заказ кылганым менен байкем көрүнбөдү. Жөн гана парковка кылган го деп ойлоп, Сайкал экөөбүз көңүлдүү тамактанып жаттык. Бүгүнкү жолугушуубуз кечээгиден жандуураак өттү. Бир аз болсо да көнө түшкөндөйбүз. Сайкал мурун такылдаган кыз эле, эмнегедир назик кыздай көрүндү. Тамак жеп, ал ортодо кызуу талкууга кирип кетиптирбиз. Арт жагымдан байкемдин тааныш күлкүсүнөн дароо тааныдым. Бурулуп карасам эшиги жабык кабинканын оозунда бою узун, сулуу кызды белинен кучактай Макс байкем кафенин администраторуна ыраазычылыгын айтып, каткырып күлө сүйлөп жатыптыр. Алгач чочуп кеттим. Жиним келе бери бурулуп, муштумумду түйө көзүмдү жумдум. Өзүмдү араң кармап, тиги жапжаш кыз менен кучакташып чыгып кеткен байкемди жонум менен сезе Сайкалды чочутуп албоого аракет кыла араң отурдум. Эмнени сүйлөшүп жатканыбызды деле билбей калдым окшойт. Тамактанып бүткөн соң Сайкалды таксиге салып жиберип өзүм үйгө жөнөдүм. Эх, кайдан ошол кафеге кире калдым экен. Байкемдин машинасын көрө койгонумду кара, кызык айылдан келе калып эле Шерлок Холмстай болуп, өзүмө да жиним келди. Бул жөнүндө билбесем жакшы болмок. "Чужая семья темный лес" дейт эмеспи. Көз алдыма жаш баладай ишенчээк, боорукер жеңем тартыла үйгө келдим.
Короодо токтоп турган машинаны көрүп, байкемдин үйдө экенин билдим. Адаттагыдай жеңем ашканада тамагынын жытын буркуратып күйпөлөктөп жүрөт. Байкем конок үйдө диванда чалкалай телевизор көрүп жатыптыр. Менин келишимди эле күтүп жатышкан окшойт. Алдымдан чыккан жеңем дароо тамакка чакырды бизди. Дасторкондо үчөөбүз тамактанып жаттык. Бир жаман иш кылгансып башымды жерге сала отурган мага карап жеңем:
- Адик, не болду сага? Маанайың жок го? Жолугушуу ийгиликсиз болуп калдыбы?
- Жок, баары жакшы, Сайкал экөөбүз бүгүн кафеден кечинде тамактандык.
Кафенин атын айтсам, байкем мени жалт карап алганын байкадым. Жеңем кабатырлана:
- Анан эмне маанайың жок? Ооруп калган жоксуңбу? Температура жокпу?
Алаканын чекеме коюп, дене табымды текшерип жаткан жеңеме карап:
- Коюңузчу, жакшы элемин. Сиз мени ушинтип эркелетип жатып жаман көндүрдүңүз. Эми Сайкал сиздей эле болсо аны эч кимге алмаштырбайт элем.
Бул сөздөр оозумдан кандай чыкса, байкемдин көзү чанагынан ошондой чыгып кете жаздады. Өзүм да билбей калдым кантип туура эмес сүйлөп алганымды..."

Толугу менен окуу үчун бул жерди басыңыз.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 6 
Комментарийлер(3)
10.05.2021. 16:40 
Тайпасы:
Жаран
Комментарийлердин саны:
68
Катталган:
19-03-2020
Соӊку аракети:
23-06-2021 13:32
Жынысы:
Белгисиз
+1
Жакшы жазылыптыр. Ичимдеги бугум чыккыча ыйлап алдым окуп. :(
11.05.2021. 01:35 
Тайпасы:
Жаран
Комментарийлердин саны:
6
Катталган:
18-12-2020
Соӊку аракети:
19-05-2021 17:49
Жынысы:
Белгисиз
0
Абдан таасирдүү чыгарма экен
11.05.2021. 23:31 
Тайпасы:
Жаран
Комментарийлердин саны:
114
Катталган:
23-07-2018
Соӊку аракети:
24-06-2021 01:49
Жынысы:
Белгисиз
0
Абдан жакшы жазылыптыр,абдан грамотный,соз байлыгы,ички дуйносу кенен адам жазыптыр,рахмат!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
170842;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: