Баткенде өспүрүм кызга үйлөнүп алган 23 жаштагы жигитке сот өкүм чыгарды

Баткен облусуна караштуу Кадамжай районунда 23 жаштагы жигит өспүрүм кызга үйлөнгөн. Арадан 5 ай өткөн соң 17 жаштагы келин көз жарган. Келин көз жаргандан кийин кылмыш иши козголуп, сот өкүм чыгарган. Бул тууралуу Жогорку Соттун расмий сайтында айтылат.

Окуянын чоо-жайы:

Окуя 2019-жылдын 30-июль күнү болгон. Анда Кадамжай районунун Чарбак айылында жигит таякесинин үйүнө жашы жете элек 17 жаштагы кызды келин кылып алып барган. Алар молдо чакырып, ага кыздын жашы жете электигин айтпастан нике кыйдырышкан. Аталган айылдын молдосу кыздын документтерин текшербестен нике курагы жөнүндөгү мыйзамдарды жана мусулмандардын дин башкармалыгы тарабынан чыгарылган буйруктарды бузуп, диний ырым-жырымдарды өткөрүп нике окуп, нике каттоо журналына каттатып койгон.

Натыйжада 2019-жылдын 26-декабрь күнү келин 2 килограмм 870 грамм салмактагы кыз төрөгөн. Мындан улам анын жашы жете электиги ачыкталган.

Айыпталуучу 1996-жылы Ош облусунда туулган, улуту кыргыз, билими орто, үй-бүлөлүү, 1 баланын атасы, эч жерде иштебейт, мурда соттолгон эмес. Учурда Баткен облусунун айылдарынын биринде жашайт.

Соттук отурумунда айыпталуучу күнөөсүн моюнуна алган:

"Мен жубайым менен апрель айында базарда аксессуар сатып иштеп жүргөндө таанышкам. Экөөбүз сүйлөшүп бири-бирибизди жакшы көрүп калдык, кыздын макулдугу менен аны үйүмө алып келдим. Никеге туруу курагын, анын жашы жете электигин экөөбүз тең билчүбүз, бирок биздин ортобузда буга чейин жыныстык катнаш болуп кеткен. Ошол себептен мындай көрүнүш дагы да уланбасын деп анын жашын чоңойтуп молдого никебизди кыйдырдык.

Келинчегим менен чогуу жашап жүрүп мен 2019-жылдын декабрь айынын башында ата-энесинин үйүнө калтырып, Москвага иштөө үчүн кеткем. Москвага баргандан кийин 26-декабрда аялым чалып төрөгөнүн кабарлады. Ошол эле күнү мага милициядан телефон чалышып, келишимди айтышты. Ошол учурда келгенге материалдык жактан шарттар болгон жок. Бул жакка келгенге аракет кылып жатканда коронавирус оорусу күчөп карантин башталды. Ал 5 айга созулду. 2020-жылдын август айында Москва шаарында жумушка чыктым, ал жактан 3 ай иштеп анан келейин десем эмгек акым берилбей дагы калып калдым. Ошентип 2021-жылдын 17-апрель күнү Кыргыз өлкөсүнө жолго чыктым. Ош аэропортунан милиция кызматкерлери мени алып келишти. Кылган ишимди моюнга алып кечирим сурайм", - деген ал өз көрсөтмөсүндө.

Сотто күбө катары баланын таякесинин жубайы көрсөтмө берген:

"Бала биздин тууганыбыз, ошол күнү түштөрдө бир кызды ээрчитип келип, биз үйлөнөбүз келин алып келдим деди. Аларды үйгө киргизип чайымды койдум, кийин молдо келип никелерин кыйган ошого күбө болгом. Келиндин жашы жете электигин билген эмесмин, аны мен соттон билдим", - деген ал.

Сотто өспүрүм кыз көрсөтмө берүүдөн баш тарткан. Ал эми молдо кыздын жашын сураганда 18ге чыккам деп айтканын көрсөтүп, төмөнкүлөрдү билдирген.

"Мага айылдашыбыз келип тууганым турмуш куруп жатат нике кыйып бериңиз деп суранды. Мен жол-жоболордун бардыгын тактап сураганда, баары жайында деп билдиришкен. Анан кыздын апасы менен телефон аркылуу сүйлөшсөм апасы макулдугубузду бергенбиз, атасы талаада келе албайт деп билдирди. Никеге жарактуубу деп сурадым, апасы мен толугу менен жооп берем деди. Баланын паспортун көрдүм, келиндин паспортун сурасам жигити бул карып калган,18ден ашкан деп айтты. Кыздын өзүнөн сурасам 18 жашка толгом деди, анан никелерин кыйып бердим", - деген молдо.

Өкүм: