Мигранттын баласынын өлүмү: Жети-Өгүздө 3 жаштагы баланын ур-токмоктон каза болушу боюнча социалдык кызматкердин маалыматы

Буга чейин Ысык-Көл облусунун Жети-Өгүз районуна караштуу Кызыл-Суу айылында 3 жашар бала ур-токмоктон улам каза болгону маалым болгон. Анда баланын апасы аны кудачасына таштап өзү Орусияга иштегени кеткен.

SUPER.KG порталы окуянын чоо-жайын билүү максатында аталган айылдын социалдык кызматкерлерине байланышканда, төмөнкү жагдайлар белгилүү болду.

"Бизде социалдык тейлөөдөгү каттоодо бала дагы, анын үй-бүлөсү дагы жок. Алар жашаган үй көп жылдан бери башка бирөөнүн наамында каттоодо турат. Биздин айылда ички миграция көп катталат, көчүп келгендер көп. Бул үй-бүлө дагы ушулардын бирөөсү болушу мүмкүн. Окуяга шектелип кармалган аял дагы, апасы дагы каттоодо жок, тагыраагы алар биздин айылдын тургундары эмес. Сураштырсак көпчүлүгү тааныбайбыз деп жатышат. Кызыл-Сууга тиешеси жок жарандар болуп жатышат. Ооруканада дагы каттоого турган эмес, архивдерди дагы карап чыктык, квартальныйда дагы каттоосу жок болуп жатат", - деп билдирди социалдык кызматкер.

Окуянын чоо-жайы:

15-май күнү болжол менен саат 12:32 чамасында аймактык ооруканасынын жандандыруу бөлүмүнө Кызыл-Суу айылынын тургундары ооруканага эс-учун жоготкон, денесинде көк ала тактары бар 3 жашар эркек баланы алып келген. Наристе жандандыруу бөлүмүнө жаткырылып, көп узабай чарчап калган.

Маалым болгондой, 33 жаштагы М.Г. аттуу аялга кудачасы 3 жашар баласын таштап, өзү Орусияга иштегени кеткен. Баланы карап жүргөн аялдын айтымында, ошол күнү наристенин талмасы кармап, тепкичтен кулап түшкөн. Ал эми денесиндеги көк ала тактар аны бир нече жолу чымчып койгондуктан пайда болгонун көрсөткөн.

Соттук-медициналык экспертизанын алдын-ала жыйынтыгы боюнча бала баш мээсинен жаракат алганы аныкталган. Аталган факты боюнча шектүү катары 33 жаштагы аял райондук милиция бөлүмүнө алып келинип, убактылуу кармоочу жайга киргизилген. Сот шектүү аялдын баш коргоо чарасын карап чыгып, эки айга камакка алган.

Автор: Гүлзина Каныбекова

11:47 27-05-2021

Жазылуу

РУБРИКАДАГЫ СОҢКУ КАБАРЛАР

20:06 2025-05-25 | Түркүн дүйнө

Орусия менен Украина Стамбулдагы келишимин ишке ашырды. Эмне кеп? 1830 0

18:31 2025-05-25 | Маданият, шоу-бизнес

Кыргызстандык жаш талант Бейше жандуу үн менен орусиялыктарды таң калтырды (видео) 1140 0

18:10 2025-05-25 | Түркүн дүйнө

Жо Байден рак оорусуна чалдыккандан бери алгачкы ирет эл алдына чыкты 1254 0

17:43 2025-05-25 | Коом жана турмуш

Чүйдө 8 жаштагы Алина Разбицкая дайынсыз болууда 528 0

17:17 2025-05-25 | Коом жана турмуш

Сел жүрүшү мүмкүн. ӨКМ чукул кабар билдирди 960 0

17:10 2025-05-25 | Түркүн дүйнө

Израил 24 сааттын ичинде Газага 100дөн ашуун сокку уруп, 60ка жакын жаран каза болду 626 0

Архив

Комментарийлер (6)

algakaray

2021-05-27 12:29:12

Журогум сыздайт ушундай кордук коруп чарчап калгандарын укканда. Кичинекей балдарда эмне куноо.

shankol88

2021-05-27 13:35:58

Каттуураак чара көрүп карабаса көбөүйп кетип жатат ушундайлар,Айла жок иштегени кеткен эне кантти екен...?

mira28

2021-05-27 14:50:45

shankol88,Айла жок деген бул жон гана акыркы замандын шылтоосуна айланды.Атасынада энесине да кереги жок байкуш наристе учуп кетти.Баланы кимдир бироого туртуп коюп айла жок иштеп келем деген кандай таш журок энелер.Жалгыз баланы Кыргызстада идиш жууп болсо да бакса болот.Баласы чонойсо баарын жасап бермек энеге,азыркымуундар 15 16 жашынан эле иштеп калган заманго.Керек болсо Россияда да баласын алып келип бакса болот.Азыр 3 4 балалуу жалгыз бой энелер Россияда толтура чыгат.

mira28

2021-05-27 14:56:39

shankol88, Эне эч бир сыздабайт,себеби ал 3 айдан кийин эле конуп калат мигрант жашоого.Сыздай турган эне болсо таштамак эмес жалгыз баласын кайдагы бир кудачасына.Тынымсыз кабар алып турса кок ала болмок эмес денеси.Кукук эне экен.Эми келип кудачасына тосмо арыз жазып берсе да тан калбайм .Баланын азап коргон кундорун, саатын,мунотун элестетип журогум сыздап чыкты.Россияга келип алып да жон журбойт мындайлар.Тытынып иштеп жургонуно кепилдик бериш кыйын

Nurik1988

2021-05-27 17:29:16

mira28,туура мындайлар келип эле сразу тажик же узбек Табып алат баласы барын деле унутуп койгон болуш керек

JaneEr

2021-05-27 18:17:45

Nurik1988,антпегиле эч ким жыргаганынан кетпейт!Атасын эмнеге эч ким айтпайт?Ошол жардам берсе аялы тентимек эмес!Ажырашса да уй салып берип,жардам бере турган закон керек азыр!Туудуруп коюп качат эркектер

Комментарий калтыруу үчүн өз ысымыңыз менен кириңиз же каттоодон өтүңүз.