Алтынбек Сулайманов: "Кумтөр" боюнча сүйлөшүп, алтынды тең бөлүү жыйынтыгына келбесе, өкмөт андан ары кетсин"

"Кумтөр" ишканасында иштеген кыргызстандык жарандардын орточо айлык акысы 115 миң сом. Муну ЖКнын 23-октябрдагы жыйынында өкмөт башчы Жантөрө Сатыбалдиев айтты. Сатыбалдиевдин айтымында, учурда бир тонна алтындын баасы 43 миллион 441 миң доллар.

Депутат Алтынбек Сулайманов "Кумтөр" боюнча сүйлөшүүгө өкмөткө убакыт берүү керектигин айтты. "Келишимден бир тараптуу чыгуу деген демилгени колдойм. Өкмөткө тапшырма берели, эгер "Кумтөрдөн" өндүрүлгөн алтын 50х50 пайыздан бөлүнөт деген жыйынтык менен келбесе, өкмөт андан ары кетсин",- деди Сулайманов.

Автор: Автандил Добулбеков