Бүгүн Бишкекте такси кызматынын тарифтери көтөрүлдү

Бүгүн шаардагы жүргүнчү ташуучу такси кызматы бензин жогорулаганына байланыштуу тарифтерин көтөрүшкөнүн маалымдады.

Борбордогу такси кызматтарынын тиркемесинде буйрутма кылып отуруу буга чейинкиге салыштырмалуу 20 сомдон 30 сомго чейин көтөрүлгөнүн байкоого болот. Бишкектеги такси компанияларынын бирине байланышканыбызда, бензин кымбаттаганына байланыштуу жана башка такси компаниялары бааларын көтөргөндүктөн алар дагы таксиге болгон бааны көтөрүшкөнүн кабарлашты.

Белгилеп өтсөк, бүгүн, 2-июнда борбор калаада маршруттук таксилер жол акысын көтөрүү максатында каттамга чыккан эмес. Көпчүлүгү такси кызматына болгон баанын көтөрүлүшү ушунун негизинде болгонун айтышууда.

Автор: Ырыскелди Салбаров