
Бүгүн, 9-июнда өлкө башчы
Садыр Жапаров менен Түркиянын президенти
Режеп Тайип Эрдогандын расмий жолугушуу аземи болду.
Садыр Жапаровдун кортежи ардактуу атчандар кароолунун коштоосу менен Анкара шаарындагы президенттин сарайына келди. Садыр Жапаровду Режеп Тайип Эрдоган тосуп алып, мамлекет башчылар учурашкан соң, эки өлкөнүн гимндери жаңырды.
Ардактуу кароолдун командиринин рапортунан кийин, өлкө лидерлери тизилип турган ардактуу кароолду бойлой басышты. Килемден өтүп бара жаткан президенттер токтоп, кароолдун командирине (аркада келе жаткан) бурулушу керек болгон. Бул учурда Эрдоган кароолго, ал эми Садыр Жапаров Түрк өкмөт мүчөлөрү тарапка бурулган.
Кароолдун кайрылуусунан кийин Садыр Жапаров президенттин сарайына бет алган. Бул учурда түрк лидери Жапаровго өкмөт мүчөлөрү тарапка бурулууну көрсөтөт. Өлкө лидеринин жолугушуу учурундагы кетирген кемчиликтери эл арасында "алдын ала протокол менен таанышып албаптыр" деп дароо сынга алынды.